كوبان من العدس الأسمر
كوب زيت زيتون
كوب زيت نباتي لقلي العجين والبصل
سبعة أكواب ماء لسلق العدس تقريبا
بصلة عدد ٢ كبيرة مقطعة شرائح
ضمة من الكزبرة مفرومة
٨-١٠ حبات توم مدقوقة ناعم
ربع كوب عصير حامض
نصف كوب عصير تمر هندي
رشة كمون ناعم
ملح حسب الذوق
ينقى العدس ويغسل ويصفى ونضعه في طنجرة كبيرة مع الماء على النار ، نتركه على نار هادية حتى تستوي الحبات ويبقى من ماء العدس ، نضيف الملح وبهي الاسثناء من كون عملنا العجين ومنضيفه على الطنجرة ونقلب بهدوء تام وبعدها نضيف عصير الحامض والتمر هندي ، ايضا منكون قلينا التوم بشوية زيت زيتون وضفنا معو الكزبرة ، منضيف نصفها بقلب الطنجرة والنص التاني للزينة على الوجه ، نقلي البصل ، نضع كمية بداخل الطنجرة ونترك الباقي للزينة ، باقي زيت الزيتون ، نضعه ونقلب لآخر تقليبة ونسكب بوعاء كبير او حسب الرغبة
نزيين الوجه بالكزبرة المقلية مع التوم وبالعجين والبصل المتبقي وايضاً بحبوب رمان احمر ، تقدم فاترة ا بحرارة الغرفة والف صحة وهنا
طريقة العجينة
كوبان من الطحين
كوب ماء تقريبا
ربع ملعقة صغيرة ملح
نعجن الخليط ونتركه ليرتاح لحوالي النصف ساعة وبعدها على سطح مرشوش كتير كتير طحين ، نفرد وكمان منرجع منرش فوقها طحين أيضافي ومنقطع لمربعات جدا صغيرة ، نضعها فوق صينية مرشوشة طحين ونتركها لتنشف العجينة قليلا ، بعدها بواسطة منخل كبير نضع كمية من العجين ونهز المنخل لينزل الكمية الإضافية من الطحين ، وهيك صارت جاهزة حتى نضيفها على طنجرة العدس